Avstriya millisinin müdafiəçisi Kevin Danso AVRO-2024-ün seçmə mərhələsində düşdükləri qrupu dəyərləndirib. Corner.az saytı xəbər verir ki, 25 yaşlı futbolçu Azərbaycan millisinin də yer aldığı F qrupunda onları gərgin oyunların gözlədiyini və yığmasının qrupdan çıxa bilmə şansı olduğunu deyib.
“Maraqlı qrupdu. İsveç yenidən böyük turnirə vəsiqə qazanmağa can atacaq. Dünya çempionatında Belçika üçün işlər yaxşı getməsə də, bu komandanın fərdi olaraq nə qədər güclü olduğunu hamımız bilirik. Ümumiyyətlə, kiçik komanda yoxdu. Hər bir komanda hörmətə layiqdi. Biz Estoniya və Azərbaycana qarşı tam hazır olmalıyıq. Əgər belə olsaq, 2024-cü ildə Almaniyadakı Avropa çempionatında olacağımıza əminəm”.
Qeyd edək ki, Avstriya yığması qrupda ilk oyununu martın 24-də öz meydanında məhz Azərbaycan millisinə qarşı keçirəcək.
