AVRO-2024-ün seçmə mərhələsində Azərbaycanla eyni qrupda yer alan Avstriya yığmasının hücumçusu Marko Arnautoviç sıradan çıxıb. Corner.az xəbər verir ki, zədəsini sağaldaraq yaşıl meydanlara qayıdan “Bolonya”nın futbolçusu yenidən zədələnib.
Məşqdə xəsarət alan 34 yaşlı futbolçuya omba əzələlərinin zədələnməsi diaqnozu qoyulub. “Bolonya”nın həkimləri Arnautoviçin ən azı iki həftə kollektivdən uzaq qalacağını açıqlayıb. İlkin diaqnoza görə, o, AVRO-2024-ün seçmə mərhələsinin Azərbaycan və Estoniya ilə keçiriləcək ilk matçlarına qədər sıraya dönməlidir.
Qeyd edək ki, Avstriya – Azərbaycan oyunu martın 24-də baş tutacaq.
