Avstriya millisinin kapitanı David Alaba AVRO-2024-ün seçmə mərhələsində Azərbaycan və Estoniya ilə oyunları buraxa bilər. Corner.az xəbər verir ki, buna səbəb ulduz futbolçunun sıradan çıxmasıdı.
31 yaşlı müdafiəçi Çempionlar Liqasının 1/8 final mərhələsində “Real”ın heyətində “Liverpul”la səfər görüşündə bud nahiyəsindən zədələnib. Matçın 27-ci dəqiqəsində xəsarət alaraq əvəzlənən ulduz futbolçunun Avstriya yığmasının qarşıdakı seçmə mərhələ oyunlarında iştirak edib-etməyəcəyi sual altına düşüb.
Qeyd edək ki, Avstriya martın 24-də Azərbaycan, üç gün sonra isə Estoniya yığmasını qəbul edəcək.
