AVRO-2024-ün seçmə mərhələsində Avstriya ilə Azərbaycan yığmaları arasında keçiriləcək oyunun VIP biletlərinin qiyməti müəyyənləşib. Corner.az saytının yerli mətbuata istinadən məlumatına görə, “Rayffeysen Arena”da baş tutacaq qarşılaşma üçün bilet qiymətləri ciddi narazılığa səbəb olub.
Məsələ burasındadı ki, VIP biletlərin qiyməti 395 avrodu. İki bilet əldə etmək istəyənə güzəşt ediləcək və 690 avro kimi müəyyənləşəcək. Uşaqlar üçün isə biletlərin qiyməti 250-400 avro arasında dəyişir. Bu qiymətlər Azərbaycanla matçda olduğu kimi, Estoniya ilə görüşə də şamil edilib. Yerli futbol pərəstişkarları isə bunun yüksək məbləğ olduğunu hesab edir. Bu da müəyyən narazılığa səbəb olub.
Qeyd edək ki, Avstroya yığması martın 24-də Azərbaycan, 27-də isə Estoniya millisini qəbul edəcək.
