Avstriya millisinin baş məşqçisi Ralf Ranqnik AVRO-2024-ün seçmə mərhələsindəki hədəflərindən danışıb. Corner.az xəbər verir ki, mətbuat konfransı keçirən Azərbaycan yığmasının rəqibi iddialı fikirlər səsləndirib.
65 yaşlı almaniyalı mütəxəssis millimizlə ilk qarşılaşmada qələbənin vacibliyini vurğulayıb:
“Hədəfimiz Avropa çempionatına birbaşa vəsiqə qazanmaqdır. Qrupda birinci və ya ikinci yeri tutmalıyıq. Bunun üçün seçmə mərhələyə uğurlu başlamaq istəyirik. İlk iki görüşdə qələbə ideal başlanğıc olar. Ümumiyyətlə, ev oyunlarının hamısında qalib gəlməliyik”.
Qeyd edək ki, Avstriya yığması martın 24-də Azərbaycan, bundan üç gün sonra isə Estoniya millisini qəbul edəcək.
