Monteneqro millisinin AVRO-2024-ün seçmə mərhələsi çərçivəsində keçirəcəyi ilk iki oyunun heyəti müəyyənləşib. Corner.az xəbər verir ki, “Qarabağ”ın futbolçuları Marko Veşoviç və Marko Yankoviç də dəvətlilər sırasındadı.
Baş məşqçi Miodraq Raduloviç ümumilikdə 27 oyunçunun adını açıqlayıb ki, onlar arasında Azərbaycan çempionunun üzvləri də var. Hətta Yankoviçin zədə ucbatından “Qarabağ”ın son matçlarını buraxması da çalışdırıcının fikrinə təsir etməyib.
Qeyd edək ki, martın 24-də Bolqarıstanın qonağı olacaq Monteneqro millisi bundan 3 gün sonra Serbiyanı qəbul edəcək.
