"Turan Tovuz”un futbolçusu Xulu Siyanda növbəti dəfə Cənubi Afrika millisinə çağırılıb. Corner.az-ın məlumatına görə, 32 yaşlı müdafiəçi Afrika Millətlər Kubokunun seçmə mərhələsi üçün 35 nəfərlik ilkin heyətdə yer alıb.
Baş məşqçi Uqo Broos yekun “23-lüy”ü gələn həftə açıqlayacaq. Cənubi Afrika millisi martın 19-da Yohannesburqda təlim-məşq toplanışına başlayacaq. Martın 24-də orada Liberiyanı qəbul edəcək komanda dörd gun sonra Monroviyada rəqibinin qonağı olacaq.
Qeyd edək ki, Xulu Siyanda 2012-ci ildən Cənubi Afrika millisinə çağırılır.
