"Bavariya”nın gənc futbolçusu Pol Vanner AVRO-2024-ün seçmə mərhələsində Azərbaycanla oyunda Avstriya yığmasının heyətində debüt edə bilər. Corner.az-ın yerli mətbuata istinadən məlumatına görə, baş məşqçi Ralf Ranqnik 18 yaşlı yarımmüdafiəçini qarşıdakı toplanışa çağırmaq niyyətindədir.
Almaniyalı mütəxəssis onunla bu barədə hətta görüşüb. Həm Almaniya, həm də Avstriya yığmasının maraq dairəsində olan Vannerin ikincilərin xeyrinə seçim etməsi gözlənilir. Ranqnik onu DÇ-2026-da komandanın aparıcı siması olaraq görür.
Qeyd edək ki, AVRO-2024-ün seçmə mərhələsinin ilk turunda millimiz martın 24-də Avstriya yığmasının qonağı olacaq.
