AVRO-2024-ün seçmə mərhələsinə Azərbaycan millisinə qarşı oyunla start götürəcək Avstriya yığmasının heyətinin müəyyənləşəcəyi vaxt bəlli olub. Corner.az yerli mətbuata istinadən xəbər verir ki, baş məşqçi Ralf Ranqnik bu gün ilin ilk rəsmi oyunlar üçün heyəti açıqlayacaq.
Almaniyalı mütəxəssis bu gün mətbuat konfransı təşkil edəcək və canlı yayım zamanı millinin siyahısını bildirəcək.
Qeyd edək ki, Avstriya yığması martın 24-də Azərbaycan, 27-də isə Estoniya millisini Linz şəhərində qəbul edəcək.
