Azərbaycan millisinin AVRO-2024-ün seçmə mərhələsindəki rəqiblərindən İsveçdə heyətlə bağlı problem yaranıb. Corner.az xəbər verir ki, müdafiəçi Karl Starfelt sıradan çıxıb.
Arxa xətt oyunçusu klubu “Seltik”in heyətində Şotlandiya Kubokunun 1/4 final mərhələsində “Harts”la görüşdə zədələnib. Buna rəğmən İsveç yığmasının baş məşqçisi Yanne Andersson onu qarşıdakı oyunlar üçün heyətə çağırıb. Andersson 27 yaşlı müdafiəçinin durumunun ciddi olmayacağına və seçmə mərhələdə sərəncamında olacağına ümid etdiyini açıqlayıb.
Qeyd edək ki, İsveç qrupda ilk iki oyununu müvafiq olaraq martın 24-də və 27-də evdə Belçika və Azərbaycan yığmalarına qarşı keçirəcək.