Hazırda İtaliya "Bolonya"sında çıxış edən Avstriya yığmasının futbolçusu Marko Arnautoviç AVRO-2024-ün seçmə mərhələsində Azərbaycan millisi ilə keçiriləcək oyun ərəfəsində yenidən sıradan çıxıb. Corner.az xəbər verir ki, 34 yaşlı hücumçu sözügedən komandanın İtaliya çempionatının oyunu zamanı zədələnib.
Zədəsini bir müddət əvvəl sağaldan təcrübəli futbolçu “Salernitana” ilə (2:2) qarşılaşmanın 65-ci dəqiqəsində meydana daxil olsa da, cəmi 16 dəqiqə meydanda qala bilib. Buna ulduz futbolçunun zədələnərək əvəzlənməsi səbəb olub.
Avstriya millisinə çağırılsa da, Arnautoviçin Azərbaycan və Estoniya ilə oyunlarda iştirakı sual altına düşüb. Zədəsinin ciddi olduğu aşkarlansa, baş məşqçi Ralf Ranqnik onu heyətdən kənarlaşdıracaq.
Qeyd edək ki, Avstriya yığması martın 24-də Azərbaycan, 27-də isə Estoniya seçməsini Linz şəhərində qəbul edəcək.
