İngiltərə "Mançester Siti"sində çıxış edən Erlinq Haland Norveç yığmasından kənarlaşdırılıb. Corner.az xəbər verir ki, buna səbəb 22 yaşlı futbolçunun zədədən əziyyət çəkməsidi.
Gənc forvard “şəhərlilər”in heyətində İngiltərə Kubokunun “Bernli” ilə qarşılaşmasında qasıq nahiyəsində ağrılar hiss edib. Norveç millisinin tibbi heyəti müayinələrdən sonra onun “Mançester Siti”yə qayıtmasına qərar verib.
Haland AVRO-2024-ün seçmə mərhələsində İspaniya (25 mart) və Gürcüstana (28 mart) qarşı keçiriləcək oyunları buraxacaq.
