Argentina millisinin futbolçusu Lionel Messi peşəkar karyerasında 800-cü qolunu vurub. Corner.az xəbər verir ki, 36 yaşlı hücumçu Panamaya 2:0 hesabı ilə qalib gəldikləri yoldaşlıq oyununda buna nail olub.
Ulduz forvard 89-cu dəqiqədə komandasının sonuncu qolun vurub. 78-ci dəqiqədə Tyaqo Almada hesabı açıb.
Fransa PSJ-sinin hücumçusu klub karyerasında 701, yığmada isə 99 dəfə rəqib qapılarına yol tapıb.
Qeyd edək ki, Lionel Messi 2005-ci ildən Argentina millisinin formasını geyinir. Komandanın bombardiri 2022-ci ildə Qətərdəki dünya çempionatında qızıl medal qazanıb və mundialın ən yaxşı oyunçusu seçilib.
