AÇ-2024-ün seçmə mərhələsinin Lixtenşteynlə ev oyun Portuqaliya milli komandasının hücumçusu Kriştiano Ronaldo üçün əlamətdar olub. Corner.az xəbər verir ki, 38 yaşlı futbolçu doğma meydanda 4:0 hesablı qələbə qazandıqları oyunda yeni rekorda imza atıb.
Belə ki, ulduz forvard milli komandaların heyətində ən çox oyun keçirən futbolçu ünvanına sahib olub. Lixtenşteynlə görüş onun beynəlxalq karyerasındakı 197-ci matç olub. Bu göstəriciyə görə o, dünya rekordçusuna çevrilib.
Ronaldo millidə keçirdiyi oyun sayına görə Küveyt yığmasının üzvü Bader Əl-Mutavanı geridə qoyub – 196 matç.
Xatırladaq ki, Ronaldo milli komandadakı qol sayına (120) görə də dünya rekordçusudur.
