Gürcüstan millisi yoxlama oyununda Monqolustanla qarşılaşıb. Corner.az xəbər verir ki, Batumidəki matçda meydan sahibləri 6:1 hesablı darmadağına sevinib.
“Sabah”ın hücumçusu David Volkov Gürcüstan yığmasının start heyətində meydana çıxıb. 27 yaşlı forvard bu oyunda 1 qol vurub və 1 məhsuldar ötürmə ilə yadda qalıb. 15-ci dəqiqədə hesabı açan Volkov 58-də Çakvetadzenin fərqlənməsinə şərait yaradıb. O, 71 dəqiqədə Beridze ilə əvəzlənib.
