AVRO-2024-ün seçmə mərhələsinə Azərbaycan millisi üzərində 4:1 hesablı qələbə ilə başlayan Avstriya yığması bu gün ikinci tur çərçivəsində Estoniya ilə üz-üzə gələcək. Corner.az xəbər verir ki, avstriyalılar bu görüşə ciddi itkilərlə çıxması gözlənilir.
Buna səbəb millimizlə matçda iki aparıcı futbolçunun sıradan çıxmasıdı. Belə ki, kapitan Marsel Sabitzer və müdafiəçi Gernot Truner yığmamızla görüşdə zələnib. Baş məşqçi Ralf Ranqnik hər iki oyunçunun Estoniyailə qarşılaşmanı buraxmaq riski ilə üzləşdiyini söyləyib. Əvəzində Azərbaycanla oyunda iştirak etməyən David Alaba meydana çıxa bilər.
Qeyd edək ki, Avstriya – Estoniya oyunu Linzdə keçiriləcək. Azərbaycan millisi isə F qrupunun digər görüşündə bu gün İsveçin qonağı olacaq.
