Xəyal etdiyimiz vəziyyətdir

İsveç yığmasının hücumçusu Yesper Karlsson AVRO-2024-ün seçmə mərhələsində Azərbaycan üzərində 5:0 hesabı ilə qalib gəldikləri oyunu dəyərləndirib. Corner.az xəbər verir ki, "Az Alkmaar"da çıxış edən 24 yaşlı forvard qeydə alınan nəticənin xəyal etdikləri vəziyyət olduğunu bildirib.

“Çox gözəl hisslər keçirirəm. Xəyal etdiyimiz vəziyyətdir. Çox əyləncəlidi. Oyundan bir gün əvvəl Emil Forsberqlə danışdım, o, qol vurmamağımın pis olduğunu dedi. Bu üzdən meydana qol vurmaq ümidi ilə çıxdım”.

Qeyd edək ki, seçmə mərhələnin ilk turunda İsveç Belçikaya 0:3, Azərbaycan isə Avstriyaya 1:4 hesabı ilə uduzub.