İsveç millisinin müdafiəçisi Linus Valkvist AVRO-2024-ün seçmə mərhələsindəki ilk iki oyunu dəyərləndirib. Corner.az xəbər verir ki, 27 yaşlı futbolçu 5 ildən sonra qayıtdığı yığmada Belçika və Azərbaycanla görüşlərində böyük təcrübə topladığını bildirib:
“Millidə olmaq mənim üçün böyük məmnunluqdur. Nəinki uzun fasilədən sonra komandaya qayıtdım, hətta ilk dəfə Avropa çempionatının seçmə mərhələ matçında ilk “11-lik”də oynadım. Belçika kimi güclü rəqibə qarşı oynamaq böyük təcrübədir. Azərbaycanla oyun da mənim üçün çox dəyərli idi. 180 dəqiqə meydanda oldum ki, bu, motivasiya verdi”.
Qeyd edək ki, Belçikaya 0:3 uduzan İsveç yığması Azərbaycan üzərində 5:0 hesablı qələbə qazanıb
