Ukrayna futbol millisi AVRO-2024-ün seçmə mərhələsindəki çıxışını davam etdirəcək. Corner.az xəbər verir ki, bu barədə gənclər və idman nazirinin müavini Matvey Bednı məlumat verib.
Onun sözlərinə görə, nazirlik Belarus yığmasının iştirakına baxmayaraq, millinin Avropa çempionatının seçmə mərhələsində çıxışına qadağa qoymayacaq.
Bundan əvvəl Ukrayna idman nazirliyi idmançıların ruslar və belaruslarla eyni turnirlərdə iştirakını qadağan edən fərman verib.
Qeyd edək ki, Ukrayna yığması AVRO-2024-ün seçmə mərhələsində İtaliya, İngiltərə, Şimali Makedoniya və Malta ilə birlikdə C qrupunda mübarizə aparır.
