Tarixində ilk dəfə qara forma ilə oynayacaq

Braziliya millisi tarixində ilk dəfə qara formada çıxış edəcək.

Corner.az "Globo" nəşrinə istinadən xəbər verir ki, buna Braziliya Futbol Federasiyasının Qvineya ilə yoldaşlıq matçı üçün hazırladığı irqçilik əleyhinə aksiyanın bir hissəsi olması səbəb olub.

Oyunçuların nömrələrində ənənəvi sarı rəngdən istifadə olunacaq. Futbolçular yalnız qarşılaşmanın ilk hissəsində qara formaları geyinəcəklər.

Qeyd edək ki, Braziliya yığmasının Qvineya ilə yoldaşlıq görüşü iyunun 17-də olacaq. Daha əvvəl millinin İspaniyanın "Real Madrid" klubunda çıxış edən üzvü Vinisius Junior irqçiliyə məruz qalıb.