- Avropa çempionatı
- 15:35 16.11.2025
Azərbaycanlı FİFA hakimi Rauf Cabarov UEFA-dan növbəti təyinatı alıb.
90deqiqe.az xəbər verir ki, referi 21 yaşadək futbolçulardan ibarət Şimali Makedoniya və Gürcüstan milliləri arasında Avropa çempionatının seçmə mərhələ oyununda iş başında olacaq.
38 yaşlı ədalət təmsilçisi noyabrın 16-dakı qarşılaşmanı idarə edəcək. Ona Namik Hüseynov və Müslim Əliyev kömək edəcəklər. Dördüncü hakim isə İnqilab Məmmədov olacaq.
Qeyd edək ki, Skopyedə keçiriləcək Şimali Makedoniya - Gürcüstan oyunu Bakı vaxtı ilə saat 16:00-da start götürəcək.
