Çılğın gedişlər etməyi düşünmürük - Domeniko Tedesko

“Bizim üçün prioritet Azərbaycanla oyundur”.

90deqiqe.az-ın məlumatına görə, bunu Belçika yığmasının baş məşqçisi Domeniko Tedesko AVRO-2024-ün seçmə mərhələsində Azərbaycan millisinə qarşı keçiriləcək son oyun barədə danışarkən bildirib.

Əvvəlcə Serbiya ilə yoldaşlıq görüşü keçirəcəklərini xatırladan italiyalı mütəxəssis həmin matçda müxtəlif rotasiyalardan istifadə edəcəyini də gizlətməyib: “Əlbəttə ki, nələrisə  bu görüşdə sınayacağıq. Amma çılğın gedişlər etməyi düşünmürük. Azərbaycanla görüşdə ehtiyac duyacağımız məqamları Serbiya ilə matçda sınayacağıq”.

Qeyd edək ki, Belçika yığması noyabrın 15-də Serbiyanı, 19-da isə Azərbaycanı qəbul edəcək. Belçika hazırda 17 xalla F qrupuna başçılıq edir. Millimiz isə 4 xalla dördüncü pillədə qərarlaşıb.