Azərbaycanı məğlub etməliyik

“Azərbaycanla oyunöncəsi Serbiya üzərində qələbə özünəinam baxımından önəmli idi”.

90deqiqe.az xəbər verir ki,  bunu Belçika millisinin futbolçusu Artur Vermeren AVRO-2024-ün seçmə mərhələsində Azərbaycan yığmasına qarşı keçirəcəkləri oyunla bağlı danışarkən deyib.

18 yaşlı oyunçu Serbiyanı 1:0 hesabı ilə məğlub etdikləri yoldaşlıq görüşünün özünəinam baxımından vacib olduğunu  söyləyib: “Serbiya ilə matç Azərbaycanla görüşə yaxşı hazırlıq oldu. İndi məqsədimiz qrupu birinci yerdə tamamlamaqdı. Bunun üçün də Azərbaycanı məğlub etməliyik”.

Qeyd edək ki, noyabrın 19-da Brüsseldə keçiriləcək Belçika - Azərbaycan oyunu Bakı vaxtı ilə saat 21:00-da başlayacaq.