Böyük bir məyusluq idi - Forsberq

“Erkən qollar buraxaraq Azərbaycanın işini asanlaşdırdıq”.

90deqiqe.az  xəbər verir ki, bunu İsveç yığmasının yarımmüdafiəçisi Emil Forsberq deyib.

32 yaşlı futbolçu AVRO-2024-ün seçmə mərhələsində Bakıda Azərbaycan millisinə 0:3 hesablı məğlubiyyəti dəyərləndirib.

“Leypsiq”in üzvü görüşü zəif keçirdiklərini etiraf edib: “İlk dəqiqələrdə Azərbaycana təzyiq etmədik, bununla da onların işini asanlaşdırdıq. Bu, böyük bir məyusluq idi. Kifayət qədər yaxşı deyildik. Fasilədə danışdıq ki, oyunu kökündən dəyişəcəyik. Amma rəqibə lazımi təzyiqi göstərə bilmədik. Millidə ən zəif oyunlarımdan biri idi”.

Qeyd edək ki, hazırda qrupda həm Azərbaycan, həm də İsveç yığmasının aktivində 7 xal var.