"Barselona" FİFA-dan təzminat alacaq

"Barselona" yarımmüdafiəçi Qavinin zədəsinə görə FİFA-dan pul təzminatı alacaq.

90deqiqe.az xəbər verir ki, buna səbəb 19 yaşlı yarımmüdafiəçinin İspaniya millisi ilə Gürcüstan yığması arasında keçirilən oyunda (3:1) zədələnməsi olub. "Barselona" müdafiə proqramı çərçivəsində FİFA-dan ödəniş alacaq. Kompensasiya oyunçunun zədələnməsindən sonra 28-ci gündə yığılmağa başlayacaq və onun sabit maaşından asılı olacaq. Bir oyunçunun zədələnməsinə görə təzminatın maksimum məbləği ildə 7,5 milyon avro və ya gündə 20,548 avrodur. Kataloniya təmsilçisinə ödəniləcək ödənişlərin məbləği dekabrın 16-dan etibarən hesablanacaq. Qavinin 6-8 ay oynamayacağı gözlənilir. 

Bu isə o deməkdir ki, FİFA-dan təzminat məbləği 3 082 200 avro və ya 4 315 080 avro arasında olacaq.