AVRO-2024 iştirakçılarının səbətləri bilindi

AVRO-2024-ün final mərhələsinə vəsiqə qazanan komandaların səbətləri müəyyənləşib. Matc.az xəbər verir ki, 24 komandadan 21-i artıq məlumdu.

Pley-offdan adlayacaq 3 komanda 4-cü səbətdə yer alacaq. Maraqlıdı ki, İtaliya millisi də sonuncu səbətdə olacaq. Qitə birinciliyində iştirak edəcək Türkiyə yığması isə püşkdə 2-ci səbətdən çıxacaq.

1-ci səbət: Almaniya, Portuqaliya, Fransa, İspaniya, Belçika, İngiltərə

2-ci səbət: Macarıstan, Türkiyə, Rumıniya, Danimarka, Albaniya, Avstriya

3-cü səbət: Niderland, Şotlandiya, Xorvatiya, Sloveniya, Slovakiya, Çexiya

4-cü səbət: İtaliya, Serbiya, İsveçrə, pley-offda A cütünün qalibi, pley-offda B cütünün qalibi, pley-offda C cütünün qalibi

Qeyd edək ki, AVRO-2024-ün püşkatma mərasimi dekabrın 2-də Hamburqda keçiriləcək.