Qaviyə əvəzedici tapmayacağıq - Deko

“Barselona"nın idman direktoru Deko Kataloniya klubunun sağ dizindəki ön çarpaz bağın qopması səbəbindən 10 ay yaşıl meydanlardan kənarda qalan yarımmüdafiəçi Qaviyə əvəzləyici tapmaq niyyətində olması ilə bağlı iddiaları təkzib edib.

90deqiqe.az xəbər verir ki, o bu barədə yerli mətbuata açıqlamasında bunları söyləyib: “Bu gün Qavi əvəz edilə bilməyən oyunçudur. Bazarda nə öz işini görən oyunçu, nə də bu zehniyyət və bacarığı olan oyunçu var. Qavinin yerinə futbolçu tapacağımız fikirləri səhvdir. Biz tapmayacağıq. Biz Qavinin zədəsindən qorxmuruq. Bu, həm onun, həm də klub üçün kədərli xəbərdir. Lakin biz onun əvəzedicisini tapmayacağıq”.