Keyn dünyanın ən yaxşı hücumçusudur

“Mançester Yunayted"in müdafiəçisi Harri Maquayr İngiltərə millisində komanda yoldaşı olan hücumçu Harri Keynlə bağlı fikirlərini bölüşüb.

90deqiqe.az xəbər verir ki, 30 yaşlı oyunçu Keynin dünyanın ən yaxşı hücumçusu olduğunu bildirib: “Mənim üçün Keyn dünyanın ən yaxşı hücumçusudur. O, meydanda olmayanda biz onun üçün darıxırıq. O, bizim kapitanımızdır, liderimizdir.O,vacib oyunçudur, bizim qol vuran oyunçumuzdur. Keyn hər gün məşq edir , ona qarşı oynamaq müdafiəçilər üçün qorxulu yuxudur. O, istənilən bucaqdan topu tordan keçirə bilər”.

Qeyd edək ki, Almaniyadakı ilk mövsümündə Keyn bütün yarışlarda 16 oyun keçirib, 21 qol vurub və 7 məhsuldar ötürmə edib.