"Barselona"nın futbolçusu əməliyyat olundu

İspaniya millisinin və "Barselona" klubunun futbolçusu Qavi əməliyyat olunub.

90deqiqe.az klubun rəsmi saytına istinadən xəbər verir ki, 19 yaşlı yarımmüdafiəçi çarpaz bağındakı problemə görə cərrahi müdaxiləyə ehtiyac duyub. Futbolçunun əməliyyatı uğurlu keçib.

O, mövsümün qalan hissəsində meydana çıxa bilməyəcək. Təxminən 8 ay komandasına kömək edə bilməyəcək futbolçunun yeni mövsümün əvvəlində sıraya dönəcəyi gözlənilir.

Qeyd edək ki, Qavi Gürcüstana 3:1 hesabı ilə qalib gəldikləri AVRO-2024-ün seçmə mərhələ oyununda zədələnmişdi.O,cari mövsüm "Barselona"da 15 oyun keçirib, 2 qol və 1 məhsuldar ötürmə ilə yadda qalıb.