Oğlumun 11 yaşı var amma ...

Almaniya millisinin və “Bavariya”nın keçmiş müdafiəçisi Filipp Lam bundestimin ciddi nailiyyət əldə edə bilməməsinin səbəbini açıqlayıb.

90deqiqe.az xəbər verir ki, “The Guardian”a açıqlama verən 40 yaşlı veteran futbolçu yığmanın 10 ilə yaxındır ki, uğurlu olmamasını səbəbini məsuliyyətdən kənarda olmaqda görüb:

“Oğlumun 11 yaşı var amma onun bu vaxta qədər uğurlu Almaniya millisini görməməsi məni məyus edir. Düşünürəm ki, problem DÇ-2014-ü qazandıqdan sonra milli komandada davamlılıq üzərində işləmək üçün ən yaxşı işi görməməyimizdir. Heç kim yeni nəsil komandaya məsuliyyət hissini aşılamayıb. Gərək komandanın özəyi, ürəyi olsun ki, futbolçularda kimi təmsil etdiyini bilsinlər. Bu şeylər avtomatik olaraq inkişaf etmir. Dəyişikliklər çox idi, lakin heç vaxt haqqında danışdığım formada olmayıb”.