Avro-2024-də bu sistem istifadə olunacaq

2024-cü ildə keçiriləcək Avropa Çempionatının final mərhələsində istifadə ediləcək toplar hakimlər üçün faydalı olacaq.

90deqiqe.az xəbər verir ki, oyunlar zamanı topların daxilinə yerləşdirilən çiplər əllə oyun və oyundankənar vəziyyətləri müəyyənləşdirməyə kömək edəcək. Bu barədə “The Times” məlumat yayıb.

Bildirilir ki, texnologiya sayəsində qaydaların pozulduğu anları müəyyənləşdirmək asanlaşacaq. Yopun daxilindəki mikroçiplərdən ötürülən siqnallar sayəsində qərar verənlər oyunçuların 3D görünüşünü əldə edəcəklər.

Texnologiya topun bədənin hansı hissəsinə dəydiyini müəyyən etməyə imkan verəcək. Lakin bu, mütləq qəbul edilmiş qərarların ləğvinə səbəb olmayacaq. Bu sistem yalnız VAR-a kömək edəcək.