Avstriya millisinin baş məşqçisi Ranqnik Alabanın durumundan danışdı

Avstriya millisinin baş məşqçisi Ralf Ranqnik ötən ilin dekabrında zədələnən "Real"ın müdafiəçisi David Alabanın sağalma prosesindən danışıb.

90deqiqe.az-ın məlumatına görə, təcrübəli mütəxəssis futbolçunun gələn ilin yayında baş tutacaq Avro-2024-də sağalmağa vaxt tapacağına ümid etdiyini bildirib.

"Onunla telefonla danışdım, o, çox optimist və inamlı idi. Təbii ki, onun 2024-cü il Avropa çempionatına vəsiqə qazanması məsələsi son ana qədər həll olunmayacaq. Amma mən hesab edirəm ki, o, düzgün yoldadır", - Ranqnikdən sitat gətirib Mundo Deportivo.

Xatırladaq ki, avstriyalı müdafiəçinin İspaniya çempionatının 17-ci turunun “Vilyarreal”la oyununda (4:1) çarpaz bağları qopmuşdu. Daha əvvəl mediada Alabanın reabilitasiyasının futbolçunun dizindəki əlavə zədə səbəbindən gecikəcəyi ilə bağlı məlumatlar yayılmışdı.

Avropa çempionatı iyunun 14-dən iyulun 14-dək keçiriləcək.

31 yaşlı futbolçunun Madrid klubu ilə müqaviləsi 2026-cı ilin iyun ayına qədər nəzərdə tutulub.O, Los Blancosun heyətində 17 matçda iştirak edib və 2 məhsuldar ötürmə edib.