Kroos milli karyerasını bərpa edir

"Real Madrid"in yarımmüdafiəçisi Toni Kroos Almaniya millisindəki karyerasını bərpa edir.

90deqiqe.az xəbər verir ki, bu barədə jurnalist Mario Korteqan sosial şəbəkə hesabında yazıb.

O, Almaniya millisinin baş məşqçisi Naqelsmannın Kroosun bu il iyunun 14-dən iyulun 14-dək keçiriləcək ev Avropa çempionatında iştirakını istədiyini bildirib. Futbolçunun özü də milli komandaya qayıtmaq variantını ciddi şəkildə düşünür.

Kroos 2021-ci ilin yayında Almaniya millisinin 2020-ci il Avropa çempionatının 1/8 finalında İngiltərəyə uduzduqdan (0:2) sonra Almaniya millisindən ayrıldığını açıqlamışdı. Toni 2010-cu ildə Bundestimdə debüt etdi. Bu müddət ərzində o, millinin heyətində 106 matçda iştirak edib, 16 qol vurub.