Braziliya millisi ilk dəfə Olimpiadada iştirak etməyəcək

Braziliya millisi 2004-cü ildən bəri ilk dəfə Olimpiya Oyunlarında iştirak etməyəcək.

90deqiqe.Az xəbər verir ki, buna səbəb Cənubi Amerika seçmə turnirinin qrup mərhələsinin 3-cü turunun oyununda Braziliya millisinin Argentina yığmasına 0:1 hesabı ilə uduzaraq, Parisdə keçiriləcək turnirə vəsiqə şanslarını itirməsi olub. 

Qeyd edək ki, braziliyalılar 2016 və 2021-ci illərdə keçirilən son iki Olimpiadanın qalibi olub. Ümumilikdə, braziliyalılar öz tarixlərində Olimpiadada yeddi medal qazanıblar - iki qızıl, üç gümüş və iki bürünc.

Argentina millisi də öz növbəsində 2024-cü ildə keçiriləcək Olimpiadada iştirakına zəmanət verib.

Xatırladaq ki, Parisdə Yay Olimpiya Oyunları iyulun 26-dan avqustun 11-dək keçiriləcək. Kişilər arasında futbol turnirində 18 oyunçudan ibarət 16 komanda iştirak edəcək.