"Ukrayna millisi güclü rəqibdir" - Dzeko

"Fənərbağça"nın və Bosniya və Herseqovina millisinin hücumçusu Edin Dzeko martın 21-də Ukrayna millisi ilə keçiriləcək oyunla bağlı fikirlərini bölüşüb.

90deqiqe.Az-ın məlumatına görə, 37 yaşlı forvard sözügedən matçı səbirsizliklə gözlədiyini bildirib.

"Ukrayna güclü rəqibdir. Bizim onlarla rəqabət aparmaq imkanımız var idi və biz nə gözlədiyimizi bilirik. Bununla belə, evdə, azarkeşlərimizin önündə oynayırıq və irəliləmək şansımız var. Ukrayna millisi kifayət qədər güclüdür, oyunçuları Avropa klublarında oynayır və bu, ümumi oyunlarına təsir edir. AVRO-2024-ə çıxmaq üçün mütləq əlimizdən gələni edəcəyik"

Xatırladaq ki, bu cütün qalibi pley-off finalında İslandiya və ya İsraillə qarşılaşacaq.