Ronaldo İsveçlə oyunu buraxacaq

Kriştiano Ronaldo Portuqaliya millisinin İsveçlə yoldaşlıq görüşü üçün heyətinə daxil edilməyib.

90deqiqe.Az xəbər verir ki, bu barədə milli komandanın mətbuat xidməti məlumat yayıb.

39 yaşlı hücumçu Sloveniya ilə yoldaşlıq oyunu öncəsi komanda yoldaşlarına qoşulacaq.

Xatırladaq ki, Portuqaliya və İsveç arasında sparrinq martın 21-i cümə axşamı keçiriləcək. Sloveniya ilə oyun isə 5 gün sonra baş tutacaq. Bu mövsüm Kriştiano bütün turnirlərdə 33 oyun keçirib. Təcrübəli qolçu 30 qol vurub, 11 məhsuldar ötürmə edib. Xatırladaq ki, portuqaliyalılar klub səviyyəsində Səudiyyə Ərəbistanının “Əl-Nəsr” klubunda çıxış edir.