"Dibdə idim, psixoloqlar həyatımı xilas etdi"

"Tottenhem"in hücumçusu Riçarlison Braziliya Futbol Federasiyasının milli komandaya psixoloq tutmaq qərarını dəstəkləyib.

90deqiqe.Az xəbər verir ki, 26 yaşlı forvard bunun çox vacib və doğru qərar olduğunu bildirib.

“Yalnız biz futbol meydançasında və kənarda yaşadığımız təzyiqi bilirik. Bir vaxtlar şəxsən mən çox əziyyət çəkmişəm.

Psixoloqun olması vacibdir. Milli komandanın oyunçusu kimi insanlara kömək istəməyi məsləhət görürəm. Bu mənim həyatımı xilas etdi. Mən dibdə idim"

2023-cü ilin payızında Riçarlison, demək olar ki, bir il ərzində klub və ölkə üçün oyun formasını bərpa edə bilmədiyi üçün psixoloqla məsləhətləşməyə söz verib. Həmin dövrdə hücumçu Braziliyanın Boliviya üzərindəki dünya çempionatının seçmə mərhələsindəki qələbəsi zamanı əvəzlənərkən göz yaşlarına boğulub. Lakin o vaxtdan bəri hücumçunun forması artıq xeyli yaxşılaşıb.