Maquayr İngiltərənin AVRO-2024-dəki hədəfini açıqlayıb

"Mançester Yunayted"in və İngiltərə yığmasının müdafiəçisi Harri Maquayr komandanın Avropa çempionatındakı hədəfindən danışıb.

90deqiqe.Az "Mirror"a istinadən xəbər verir ki, 31 yaşlı oyunçu hədəflərinin Avropa çempionatının qalibi olmaq olduqlarını bildirib.

“Avro çempionu olmaq bizim məqsədimizdirmi? Bəli, mütləq. Biz avrokuboklarda uğur qazanmaq istəyirik - hazırda dünya çempionatı haqda düşünmürük. Bizim əsas vəzifəmiz Avropa çempionatını uğurla keçirməkdir”

2024-cü il Avropa çempionatının qrup mərhələsində İngiltərənin rəqibləri Serbiya, Danimarka və Sloveniya olacaq.

Xatırladaq ki, son Avroda İngiltərə yığması İtaliyaya penaltilər seriyasında məğlub olduğu finala yüksəlmişdi. Final qarşılaşması “Uembli” stadionunda baş tutub.