- Avropa çempionatı
- 13:38 03.09.2024
Almaniya millisi və "Bavariya"nın futbolçusu Coşua Kimmix "Real"ın yarımmüdafiəçisi Toni Kroosun milliyə qayıtmasından danışıb.
90deqiqe.Az-ın məlumatına görə, 29 yaşlı futbolçu Kroosun təcrübəsindən yararlanacaqlarını bildirib.
“Onun təcrübəsi bizə kömək edəcək. Hamı bilir ki, o, bir çox turnirlərdə çıxış edib. Toni necə uğur qazanacağını bilir”
Xatırladaq ki, Kroos 2021-ci ildən Almaniya millisində çıxış etmir. İndi o, qarşıdan gələn 2024-cü il Avropa çempionatında milli komandaya kömək etmək qərarına gəlib. Yeri gəlmişkən, turnirdə almanlar Şotlandiya, Macarıstan və İsveçrə yığmaları ilə eyni qrupda çıxış edəcəklər. Avro 2024 iyunun 17-dən iyulun 17-dək Almaniyada keçiriləcək.