Lenonu o əvəzləyəcək

Almaniya millisinin baş məşqçisi Julian Naqelsmann Avro-2024-ün heyətində zədəli qapıçı Bernd Lenonu əvəz edəcək futbolçu ilə bağlı qərar verib.

90deqiqe.Az xəbər verir ki, sıradakı yerini "Bavariya"ya məxsus Aleksandr Nübel tutacaq.

Xatırladaq ki, alman icarə əsasında "Ştutqart"da çox keyfiyyətli mövsüm keçirib və bunun sayəsində “Bavariya” ilə yeni müqavilə imzalayıb. Düzdür, qolkiper hələ də qarşıdakı iki mövsümü icarə müddətini uzatmış "Ştutqart"da keçirəcək. Nübel Naqelsmannın qapıçı üçün üçüncü seçimi olacaq.

İlk nömrə “Bavariya”dan Manuel Noyer, onun yerinə isə “Barselona”dan Mark-Andre ter Ştegen gələcək.