Deşam Mbappenin gələcəyi haqda: "Seçimini çoxdan etmişdi"

Fransa millisinin baş məşqçisi Didye Deşam PSJ-nin hücumçusu Kilian Mbappenin gələcəyindən danışıb

90deqiqe.Az-ın "RMC Sport"a istinadən məlumatına görə, təcrübəli çalışdırıcı fransız forvardın seçimini çoxdan etdiyini bildirib.

"Kilianla bağlı vəziyyətə aydınlıq gətirmək doğrudanmı lazımdır? Düşünürəm ki, yaxın vaxtlarda onun gələcəyi ilə bağlı rəsmi açıqlama veriləcək.O, seçimini çoxdan edib"

Xatırladaq ki, Mbappe may ayında PSJ ilə yeni müqavilə imzalamayacağını və yayda azad agent kimi klubdan ayrılacağını rəsmən açıqlamışdı. Mətbuatda yayılan məlumata görə, forvardın növbəti klubu "Real Madrid" olacaq; Bu mövsüm Mbappe parislilərin heyətində 47 oyun keçirib, 44 qol vurub və 10 məhsuldar ötürmə edib.