- Avropa çempionatı
- 15:57 16.06.2024
Serbiya Futbol İttifaqı komandanın hazırkı baş məşqçisi Draqan Stoykoviçlə müqaviləni uzadıb.
90deqiqe.Az xəbər verir ki, maraqlısı odur ki, bu, serblərin və Stoykoviçin vəsiqə qazandığı Avro-2024-ün başlamasına bir neçə həftə qalmış baş verib.
İndi Draqanın Balkan komandası ilə yeni müqaviləsi daha iki il - 2026-cı ilin yayına qədər qüvvədədir.
Stoykoviç üç ildən artıqdır ki, Serbiya millisinin sükanı arxasındadır – 2021-ci ilin martından. Onun rəhbərliyi altında serblər Qətərdə keçirilən futbol üzrə dünya çempionatının final hissəsində iştirak edib, burada qrupdan vəsiqə qazana bilməyiblər, həmçinin Avro-2024-ə birbaşa vəsiqə qazanıblar.
Qarşıdan gələn Avropa çempionatında Serbiya millisi İngiltərə, Danimarka və Sloveniya komandaları ilə C qrupunda mübarizə aparacaq.