Enzo: "Ümid edirəm ki, "Çelsi" məni Olimpiadaya buraxacaq"

"Çelsi"nin yarımmüdafiəçisi Enzo Fernandes qarşıdan gələn Olimpiadada oyununda çıxış etməsi ilə bağlı açıqlama verib.

90deqiqe.Az xəbər verir ki, 23 yaşlı futbolçu Argentina yığması Olimpiadada mübarizə aparmağa ümid etdiyini bildirib.

“Olimpiadada oynamaq istəyirəm. Mən Xavyer Maskerano ilə (Argentina Olimpiya komandasının məşqçisi) danışdım və ona turnirə getmək istədiyimi dedim. Görək, "Çelsi" məni buraxacaqmı”, - 2022-ci ildə dünya çempionu olmuş Enzo Fernandes ESPN-ə müsahibəsində deyib.

23 yaşlı argentinalı zədə səbəbindən klub mövsümünün sonunu buraxıb və onun sağalması hələ də tamamlanmayıb. Buna baxmayaraq, yarımmüdafiəçi ölkəsinin komandasını iyul-avqust aylarında keçiriləcək olimpiya turnirində təmsil etmək istəyir.