- Avropa çempionatı
- 15:35 16.11.2025
Fransa millisinin hücumçusu Antuan Qrizmann 2024-cü il Avropa çempionatında hədəfi ilə bağlı açıqlama verib.
90deqiqe.Az xəbər verir ki, "Atletiko Madrid"də çıxış edən 33 yaşlı forvard bu turnirin qalibi olmaq istədiyini bildirib.
“Mən bu turnirin qalibi olmaq istəyirəm. 2016-cı ildə kuboka çox yaxın olduğumuz üçün ağrı hiss etdim. Qarşıdan gələn turnirə böyük arzu və həvəslə baxıram. Biz mütəşəkkil bir komanda olmalıyıq. Mümkün qədər uzağa getmək üçün duellərdə qalib gəlməli və yaxşı müdafiə etməliyik”
Avropa çempionatı iyunun 14-dən iyulun 14-dək Almaniyanın futbol meydançalarında keçiriləcək. Qrup mərhələsində fransızlar Hollandiya, Polşa və Avstriya ilə qarşılaşacaq.
