Makron: “İndi kubok qazanmaq üçün doğru zamandır”

Fransa prezidenti Emmanuel Makron 2024-cü il Avropa çempionatının startı öncəsi milli komandanın futbolçularına müraciət edib.

Bu barədə 90deqiqe.Az “RMC Sport”a istinadən xəbər verir.

“İndi kubok qazanmaq üçün doğru zamandır. Ən yaxşı tərəfinizi göstərin, vahid komanda olun, bir-birinizə bağlı olun. İyunun 14-dən iyulun 14-nə kimi bizi əlinizdən gələni edin. Qələbəyə inanıram”, - Fransa lideri deyib.

Avropa çempionatı iyunun 14-dən iyulun 14-dək Almaniyanın futbol meydançalarında keçiriləcək. Mötəbər turnirin qrup mərhələsində Fransa millisi Hollandiya, Avstriya və Polşa komandaları ilə qarşılaşacaq.