"Almaniya AVRO-2024-də istənilən komandaya qalib gələ bilər"

Almaniya millisinin yarımmüdafiəçisi Toni Kroos 2024-cü il Avropa çempionatında çıxışı ilə bağlı açıqlama verib.

90deqiqe.Az xəbər verir ki, 34 yaşlı futbolçu istənilən rəqibi məğlub etməyə qadir olduqlarını bildirib.

“Bizim vəzifəmiz yaxşı futbol göstərməkdir. Bütün riskləri azaltmalı və oyunumuzdakı problemli məsələləri düzəltmək lazımdır. Təkmilləşdirmə üçün həmişə yer var. Bu komandanın hansı potensiala sahib olduğunu çox yaxşı bilirəm. Biz istənilən rəqibi məğlub etməyə qadirik”

İyunun 14-dən iyulun 14-dək Almaniyanın futbol stadionlarında Avropa çempionatı keçiriləcək. Bundesteam qrup mərhələsində Şotlandiya, İsveçrə və Macarıstan komandaları ilə mübarizə aparacaq.