Messi Paris Olimpiadasına qatılmayacaq

"İnter Mayami"nin və Argentina millisinin hücumçusu Lionel Messi 2024-cü ilin yayında Parisdə keçiriləcək Olimpiadaya getməyəcəyini etiraf edib.

Bu barədə 90deqiqe.Az “ESPN AR”a iatinadən xəbər verir.

“Mən Maskerano ilə danışdım və həqiqət odur ki, hər ikimiz vəziyyəti dərhal başa düşdük. Çətindir, çünki Amerika Kuboku başlayır və mən iki-üç ay ardıcıl olaraq İnter Mayamidən uzaq qalmalı olacağam. Və ən əsası, mənim yaşımda siz oynamaq üçün anları diqqətlə seçməlisiniz, ardıcıl iki turnir həddən artıq çoxdur”, - deyə o bildirib.

Xatırladaq ki, 2024-cü il Yay Olimpiya Oyunları iyulun 26-dan avqustun 11-dək Parisdə keçiriləcək. 

Bu mövsüm Messi 15 oyun keçirib, 14 qol vurub və 11 məhsuldar ötürmə edib. Ümumilikdə, hücumçu karyerası ərzində 904 oyun keçirib, bu oyunda 735 qol vurub və 355 məhsuldar ötürmə verib.