Ukrayna millisi əlavə təhlükəsizliklə təmin olunacaq

Ukrayna millisi sabah başlayacaq Avro-2024-də əlavə təhlükəsizliklə təmin olunacaq.

90deqiqe.Az xəbər verir ki, bu haqda Almaniyanın daxili işlər naziri Nensi Feser "Bild" nəşrinə deyib:

"Bu, bizim üçün xüsusi problemdir və biz bu komandanı xüsusi müdafiə etməkdə qərarlıyıq".

Xatırladaq ki, Ukrayna millisi Belçika, Rumıniya və Slovakiya ilə eyni qrupda çıxış edəcək. İlk oyun iyunun 17-də baş tutacaq.Ukrayna millisi Rumıniya ilə qarşılaşacaq. İyunun 21-də Ukrayna millisi Slovakiya ilə, iyunun 26-da isə Belçika ilə qarşılaşacaq.

2024-cü il Avropa Çempionatı iyunun 14-dən iyulun 14-dək keçiriləcək. Turnirin oyunlarına 10 şəhərin 10 stadionu ev sahibliyi edəcək. Avropa çempionatının hazırkı qalibi Londonun “Uembli” stadionunda Avro-2020-nin finalında İngiltərə millisini məğlub edən İtaliya komandasıdır. Həmin finalın taleyi penaltilər seriyasında həll olunub.