İtaliya millisinin futbolçularına telefondan istifadə qadağan edildi

İtaliya millisinin baş məşqçisi Luçano Spalletti Avro-2024 zamanı komanda üçün bir sıra sərt qaydalar tətbiq edib.

90deqiqe.Az “Corriere dello sport”a istinadən xəbər verir ki, millinin oyunçularının mobil telefonlardan istifadəsi məhdudlaşdırılıb.
“Telefonlardan yalnız nahar və şam yeməyindən əvvəl istifadə etmək olar, digər vaxtlarda isə istifadə etmək olmaz. 

Komandada qulaqcıqdan istifadə də tamamilə qadağandır. “Sony PlayStation” oynamağa icazə verilir, lakin yalnız oyun otağında və gecə yarısından gec olmayaraq. Komandada gülüş və zarafat ölçülməlidir və bu, komandanın konsentrasiyasına təsir etməməlidir”, - deyə mənbənin məlumatında qeyd olunub.

Xatırladaq ki, Avro 2024 Almaniyada keçiriləcək. Turnir iyunun 14-dən iyulun 14-dək keçiriləcək. Qrup mərhələsində birinci və ikinci yeri tutan komandalar, həmçinin üçüncü yeri tutan dörd ən yaxşı komanda 1/8 finala yüksələcək. Avro-2024-də italyanlar İspaniya, Xorvatiya və Albaniya ilə B qrupunda mübarizə aparacaq.