İngiltərə azarkeşlərinə xəbərdarlıq

İngiltərə Futbol Assosiasiyası (FA), 2024 Avropa Çempionatında İngiltərə yığmasının azarkeşlərini, uyğun olmayan davranış halında biletlərinin müsadirə edilə biləcəyi barədə xəbərdar edib.

90deqiqe.Az xəbər verir ki, bu barədə "inews" məlumat yayıb.

Məlumata görə, biletlərin müsadirə edilməsi ilə yanaşı, İngiltərə yığmasının qaydalarını pozan azarkeşlərə İngiltərədə keçirilən futbol matçlarına qatılmaq qadağası da tətbiq oluna bilər.

Qeyd edilir ki, FA, İngiltərə yığmasının bütün matçlarında qaydaların qorunması və azarkeşlərə yardım üçün öz təhlükəsizlik və stüard heyətini təmin edəcək.

2024 Avropa Çempionatında İngiltərə, eyni qrupda Serbiya, Sloveniya və Danimarka ilə qarşılaşacaq. İngiltərə yığması qrup mərhələsində ilk oyununu 16 iyun tarixində Serbiya yığmasına qarşı keçirəcək. İngiltərə, 20 iyunda Danimarka və 25 iyunda Sloveniya ilə oynayacaq.